Arestado ang isa ka lalaki sa ginpatigayon nga drug buy-bust operation sa Barangay Dumolog, Roxas City.
Ang arestado amo ni alyas Melo, ginakabig nga Street Level Individual, 27-anyos, kag residente sang Brgy. Inzo, Arnaldo Village, Roxas City.
Sa interview sang Bombo Radyo kay Police Lieutenant Colonel Rogelio L. Tomagtang Jr., Chief of Police sang Roxas City Police Station, iya ginpahayag nga nakuha sa paghikop sang arestado ang isa ka plastic sang suspected shabu nga may kabug-aton nga 1.82 grams may standard drug price nga P12,376.00.
Suno kay Tomagtang, magluwas sang illegal nga droga nakuha man sa paghikop sini ang .38 caliber revolver nga wala sang may nagaigo nga dokumento.
Sa sunong, preso na ini Roxas City Police Station kag magapangatubang sa kaso nga paglapas sa Republic Act No. 10591 ukon Comprehensive Firearms and Ammunition Regulation Act kag Republic Act No. 9165 ukon Comprehensive Dangerous Drugs Act of 2002.
