Ginlaragway sang Student Council Alliance of the Philippines (SCAP) ang administrasyon ni Presidente Ferdinand Marcos Jr. bilang isa ka “sachet government,” kasunod sang ikalima nga State of the Nation Address (SONA) sang Presidente.
Sa interview sang Bombo Radyo kay Matthew Christian Silverio, National Secretary General sang Student Council Alliance of the Philippines, iya ginpahayag nga kaangay nga temporaryo kag limitado lang ang ginatutukan sang gobyerno sa mga problema nga ginapangatubang sang pungsod sa baylo nga magpatuman sang longterm nga reporma.
Suno kay Silverio, ang tinaga nga “sachet government” nagapakita sang madamo nga programa sang administrasyon nga nagahatag lamang sang temporaryo nga bulig apang wala lubos nga ginasolbar ang ugat sang mga problema sa edukasyon, palangabuhian, kag iban pa nga yabi nga sektor.
Ginhatagan pagtamod man sang grupo nga kinahanglan sang pungsod ang mas komprehensibo nga polisa agud masiguro ang matuod nga pag-uswag kag mapaayo ang kahimtangan sang mga Pilipino, ilabi na sang mga pamatan-on.
