Ginpanindugan sang Student Council Alliance of the Philippines (SCAP) nga indi valid ang ginpatigayon nga Blue Ribbon Committee hearing sang kampo ni Senate President Alan Peter Cayetano.
Sa interview sang Bombo Radyo kay Matthew Silverio, National Secretary General sang nasambit nga organisasyon, iya ginpahayag nga ang amo nga hearing wala nagpakita sang klaro nga katuyuan agud makakuha sang bag-o nga ebidensya ukon importante nga impormasyon nga makabulig sa padayon nga imbestigasyon.
Suno kay Silverio, ang dalagan sang hearing maipaanggid sa isa ka press conference nga ginsulit lamang ang mga pamangkot nga una na nga ginpamangkot sa 18 ka anay miyembro sang Marines nga kaupod sa isyu.
Pahayag pa niya, posible nga politically motivated ang amo nga hearing bangud may mga personalidad nga nalakip sa listahan sang mga ginpangalanan kag gin-ang sa alegasyon bisan pa nga indi pa sila opisyal nga nakaupo sa ila mga posisyon sang mga tion nga ginasiling may pagdala sang mga maleta.
Nagpanawagan man ang natungdan sa tanan nga partido sang patas responsibilidad, kag paghalong sa pagtalakay sang mga sensitibo nga isyu.
