ROXAS CITY – Ginsulod sang wala pa makilala nga mga kawatan ang ginateniran nga studio-type boarding house ni Joan Bangalisan ukon mas kilala nga si Star DJ Joe Hammer sang Star FM – Roxas.
Pila sa mga kagamitan nga nataban sang kawatan amo ang mga assorted shorts, tatlo ka pares sang sapatos, mga sando’s, sanduko, tokens kag duha ka mga briefs.
Mahibaluan nga nagalab-ot sa kapin P10, 000 ang balor sang mga kagamitan nga nataban kay Balangisan.
Matandaan nga sadtong tuig 2012 sang ginsulod man sang wala makilala nga mga kawatan ang iya anay gina-estaran nga balay sa isa ka subdivision sa Barangay Bolo, Roxas City kun sa diin nataban man ang mga personal sini nga mga kagamitan nga nagabalor sang kapin P20, 000 rason nga nagsaylo ini sang gina-estaran nga balay.
