Sa tion nga masubayan ang aton pagkaon indi manigar nga naga-init ang aton nga ulo.
Apang nakahibalo ka bala nga natukiban sa mga pagtuon nga ang subay madamo sang protein, kag manggaranon sa vitamins kag minerals?
Suno kay Dr. Alyssa Crittenden, Associate Professor of Anthropology sang University of Nevada, Las Vegas, ang insekto nga subay ang manggaranon man sa unsaturated fatty acids nga amo ang nagapalikaw sa mataas nga cholesterol.
Ginpahayag ni Crittenden nga ang subay nga ‘Hormigas culonas’ ukon mas kilala sa tawag nga “big-butt ant” ang nagabalor sang kapin P5,000 kada kilo bangud sa tuman kataas nga nutritional value nga mahatag sini sa ikaayong lawas.
Nagapalikaw man sa sa balatian nga cancer suno sa doktor ang pagkaon sang subay bangud madamo ini sang cancer prevention agents.
Nahibaluan nga sa China, ang pagkaon sang subay ang nangin kabahin na sang healthy diet sang mga tawo kag ginagamit man bilang bulong sa sulod na sang 3,000 ka-tuig.
Suno kay Zhang Zhilin, vice chairman sang Chinese entomological society, bangud sa formic acid kag mga mineral traces nga makit-an sa subay, epektibo man ini agud matapna ang balatian nga rheumatism.
