Mambusao, Capiz- Nakuhaan sang ginaalegar shabu ang isa ka subject person samtang gina-implementaran sang search warrant sa banwa sang Mambusao.
Ginkilala ang subject person kay alyas ‘ransoy’, 30 anyos, isa ka driver kag pumuluyo sang nasambit nga lugar.
Sa interview sang Bombo Radyo kay Police Captain Shaney Allanic, hepe sang Mambusao Municipal Police Station, iya ginpahayag nga sa pag-implementar nila sang search warrant batuk sa subject perso, ginaalegar nga nakatunog ini kag gilayon nga nagpalagyo.
Suno kay Police Captain Allanic, nakuha sa panimalay sang subject person ang 6 ka sachet sang shabu nga nagalab-ot sa 55 grams nga may street value nga P374,000, caliber 45 nga armas-luthang kag mga drug paraphernalia.
Pahayag pa niya,yara na sa kustodiya sang kapulisan ang mga nakuha nga iligal nga druga kag armas.
Dugang pa sang natungdan, nagapabilin nga at-large ang subject person kag padayon nga ginapangita sang kapulisan.
