Madugay na nga ginamotor sang mga otoridad ang subject person sa ginkasa sa drug buy-bust operation sa Barangay Culasi, Roxas City.
Ang subject person amo si alyas Anton, yara sa legal nga pang edaron kag residente sang Barangay V, Roxas City.
Sa interview sang Bombo Radyo kay Kagawad Enrico Joseph, iya ginpahayag nga wala ginatugutan sang barangay kaangay nga mga illegal nga aktibidad.
Suno kay Kagawad Joseph, agud masiguro nga wala sang ilegal nga ginahimo sa barangay nagalibot ang mga tanod 24/7.
Matandaan nga sa operasyon, narekober sa arestado ang isa ka .38 caliber revolver nga wala sang serial number, duha ka bala, kag isa ka heat-sealed transparent plastic sachet nga may unod nga ginapatihan nga shabu nga nagabug-at sang 12 grams kag may balor nga P81,600.
Sa subong, yara na sa kustodiya sang Roxas City Police Station si alyas Anton kag magapangatubang sa kaso sa paglapas sang RA 10591 (Illegal Possession of Firearms) kag RA 9165 (Comprehensive Dangerous Drugs Act of 2002).
