Pormal na nga ginpadala sang Senate impeachment court ang mga subpoenas para sa bank, tax, kag financial records ni Vice President Sara Duterte, kag sang iya bana nga si Atty. Manases Carpio.
Ginapaguwa ang mga dokumento agud usisaon ang mga alegasyon sang unexplained wealth sa idalum sang Article II sang Articles of Impeachment.
Kaangot sini, gin-assign ang Bureau of Internal Revenue (BIR), Anti-Money Laundering Council (AMLC), kag nagkalain-lain nga banking institutions agud ihatag ang mga dokumento sa Clerk of Court tubtob Hulyo 30, 2026, alas 9:00 sang aga.
Suno kay Senate impeachment court spokesperson Reginald Tongol, may mga institusyon na nga nagtuman sa direktiba kag nagsumiter sang bank checks ni Duterte.
Magabalik ang impeachment trial ni VP Sara sa Miyerkules, Hulyo 29, kon sa diin ang bag-o sini nga schedule halin alas-10:00 sang aga tubtob alas-3:00 sang hapon.
