Ginbuyagyag ni House Committee on Appropriations Vice Chairperson Rep. Sancho Fernando “Ando” Oaminal sa budget hearing ang ginaalegar madugay na nga anomaliya sa Department of Health (DOH) Region 10 kun sa diin gin-ako mismo sang kontraktor nga nagpasa ini sang peke nga mga lisensya kag nagtukod sang substandard building facilities.
Ginwaragwag man sang mamalidha nga base sa certification halin sa Philippine Contractors Accreditation Board (PCAB), ang lisensya nga ginpresentar sang Edtaha Builders Inc. amo nga fake, counterfeit, false kag fictitious.
Apisar pa nga gin-terminate sang Department of Health (DOH) Region 10 ang kontrata, ginbayaran sa gihapon ang kontraktor, rason nga nadula na ang integridad sang pasilidad kag indi na ini masalbar pa.
Nagpasalig naman si Department of Health Secretary Ted Herbosa nga magahimo ini sang legal action batok sa amo nga kontraktor kag busision ang ginbayad diri.
