Ginkumpirma sang bise gobernador kag presiding officer sang Sangguniang Panlalawigan ang pagbaton sang sulat gikan sa Office of the Governor nga naga-withdraw sang request sang executive department para sa P3.4 million nga supplemental appropriations nga gamiton sa pagbakal sang service vehicle.
Ginpahayag ni Vice Governor Jaime ‘’Mitang’’ Magbanua kasunod sa pagbaton sang nasambit nga sulat ang pagpalab-ot sini sa mga board members sa ila nga sesyon./
Aminado ang bise gobernador sa iya madumduman nga ini pa lamang ang una nga tion nga ginwithdraw sang executive department ang ila nga request sa Sangguniang Panlalawigan.
Indi naman luyag pa ni Magbanua nga magkomento, bangud gina-respeto sini ang desisyon sang Office of the Governor kag ginatan-aw na lamang sini sa positibo nga perspektibo ang pagwithdraw sa nasambit nga request.
Ginapasalig ma sang opisyal sa mga Capizeño nga iya ginatinguhaan nga tanan nga mga sulat nga mabaton ang gina-transmit sini sa ila session agud makalab-ot sa natungdan nga komitiba kag gilayon nga matun-an kag maaksyunan.
Ginapanindugan pa ni Magbanua nga bilang presiding officer sang sanggunian, wala siya nagakulang sa paghatag sang ‘’good opinion’’, ginapahangup kag gina-guide man sini ang mga kaupdanan sa provincial board.
Ginpabugal man sini ang karon nga batch sang mga board members bangud sa kapasidad, abilidad, paghatag atensyon kag pagtuon sa pila ka mga isyu nga ginapalab-ot sa ila
Samtang aminado si Magbanua nga nag-apelar ini sa mga board members nga pamatian ang ginahambal sang kada isa agud may yara sang harmony sa tunga sang executive kag legislative department.
#OverAllNumber1saCapiz
#BASTARADYOBOMBO
