Ginadudahan sang Office of the Ombudsman ang pagbiya ni Senador Loren Legarda sa pungsod kag ang padayon sini nga pagtinir sa iban nga lugar, kasunod sang pila ka beses nga pagpalawig sang iya medical leave.
Sa pahayag ni Assistant Ombudsman Atty. Mico Clavano, indi malikawan sang Ombudsman nga may mga pamangkot kag espekulasyon angot sa pagbiyahe sang senador.
Suno kay Clavano, kun may yara gid man sang malala nga balatian si Legarda, kuntani makaisa lang ini nga nag-request sang medical leave kag indi na magsulit-sulit nga mag-apply sang extension.
Ginpahayag sang opisyal nga isa ini sa mga rason kon ngaa ginahatagan nila sang atensyon ang lihok sang senador, ilabi na nga wala man sa pungsod ang anak sini nga si Batangas 1st District Representative Leandro Leviste.
Matandaan, nga nagapangatubang sang reklamo sa Ombudsman ang mag-iloy nga Legarda kag Leviste may kaangtanan sa gina-alegar plunder, graft kag conflict of interest.
Bangud sini, ginhingyo sang Ombudsman ang mag-iloy nga atubangon kag sabton ang mga pamangkot may kaangtanan sa reklamo.
