ROXAS CITY – Partially burned ang isa ka balay matapos nasunog sa Barangay Dapdapan banwa sang Sapian takna 1:00 kaina sang hapon.
Ginkilala ang tag-iya sang balay kay Anilyn Aguirre, 60-anyos kag residente sang nasambit nga barangay.
Sa inisyal nga imbestigasyon sang otoridad, wala sang nagapuyo sa nasambit nga balay kag ginakadtuan lang kun kaisa sang ginang kag ang mga kaiping nga pumuluyo lamang ang nakakita sini kag nagbululigay nga matapna ang kalayo.
Gilayon naman nga nagresponde ang katapo sang BFP Ivisan kun sa diin natapna ang kalayo takna 1:24 sang hapon kag suno sa ila inisyal nga imbestigasyon, nagikan sa kusina ang ginhalinan sang sunog.
Ginabulubanta mas o menus P20,000 ang kahalitan nga gintuga sini.
Sa karon, padayon ang imbestigasyon sang BFP Ivisan angut sa insidente.
