-- ADVERTISEMENT --
ROXAS CITY – Totally burned ang isa ka payag samtang partially burned naman ang isa matapos magluntad ang sunog sa New Road Sto. Niño, Barangay Mongpong, Roxas City.
Sa interview sang Bombo Radyo kay Noel Docto, isa sa mga nasunogan, iya ginpahayag nga yara ini sa eskwelahan sang natabo ang sunog kag ginpabalo lamang siya sang iya tiayon nga ginlamon na sang kalayo ang ila payag.
Suno kay Docto, antes pa man ang sunog, yara ang iya bata sa payag nga posible nagahampang sang lighter.
Dugang pa sang tungdan, wala gid may nasalbar ang iya pamilya magluwas na lamang sa suksok nila nga panapton.
