MILIBILI, Roxas City – Nagluntad ang isa ka sunog sa duha ka puluy-an sa Sitio Sumiga Barangay Milibili, Roxas City.
Ginkilala ang nasunugan sang puluy-an kanday Dona, partially burned ang puluyan kag totally burned naman ang puluyan ni Josephine, nga lunsay residente sang nasambit nga lugar.
Sa interview sang Bombo Radyo kay Senior Fire Officer II Junemar D. Galve, Chief Public Information Section sang Bureau Fire Protection Roxas City, iya ginpahayag nga sa takna sang 11:41 sang udto kahapon nga adlaw nag luntad nga residential nga sunog kun sa diin bangud sa takason ang area kag dugang pa sa mabudlay nga pag abot sa area ang mga linya sang kuryente nga naga laylay rason man nga naka abot ang katapo sang bombero sa ginabanta nga 10 minutos.
Suno kay SFO2 Galve, bangud sa human sa light materials ang puluy-an madasig ang paglapta sang kalayo kag base naman sa ginatawag nga standard operating manual nagabalor sang kapin sa P17,150.00 ang kahalitan sang sunog samtang sa takna sang 12:01 gindeklarar naman sang fireground commander nga fire out ang lugar.
Pahayag pa niya sa daku man ang bulig sang Capiz Citizens Action Group Inc. “CACAG” kag Federation of Roxas City Fire & Rescue Volunteers, Inc. “Ferocity”, sa pagtapna sang natabo nga residential fire kag ginpahamtang nga cover exposure sa lugar sang katapo sang bombero wala na naglapta pa ang sunog sa iban pa nga panimalay.
Dugang pa sang natungdan pinaagi sa Exit Drill in the Home “EDITH”, mahimo nga malikawan ang untowards nga insidente, bangud may yara na sang ihibalo ang katapo sang pamilya kaangay sa sini nga sunog kun sa diin ang pag pag practice sa tion sang dugang nga ihibalo makaluwas sang kabuhi.
