Sunog nga nagluntad sa banwa sang Cuartero, Capiz, padayon nga gina-imbestigaran

Padayon nga gina-imbestigaran sang mga katapo sang Bureau of Fire Protection-Cuartero ang nagluntad nga sunog sa Brgy. Carataya,Cuartero, Capiz.

Sa interview sang Bombo Radyo kay Fire Officer 2 Romar  Lapasaran ,Driver Pump Operator sang  Bureau of Fire Protection-Cuartero, Capiz, iya ginpahayag nga may yara sang nagpalab-ot sa ila talatapan kaangot sa nagluntad nga sunog nga madasig man nga ginrespondehan sang ila sini mga katapo.

Suno kay Lapasaran, himo sa light materials ang nasambit nga puluy-an rason nga madasig nga naglapta ang kalayo.

Pahayag pa niya, wala man sang may nabalhag nga napilasan sa nasambit nga insidente.

Sa subong, padayon ang imbestigasyon sa gintunaan sang sunog kag sa kabug-usan nga danyos nga ginbilin sini.