Padayon nga gina-imbestigaran sang mga katapo sang Bureau of Fire Protection ang nagluntad nga sunog sa Barangay Cagay, Roxas City.
Sa interview sang Bombo Radyo kay Senior Fire Officer 1 Junemar Galve, Chief Public Information Officer sang Bureau of Fire Protection-Roxas City, iya ginpahayag nga may yara sang nagtawag sa ila talatapan angut sa insidente nga madasig man nila nga gin-respondehan.
Suno kay Galve, bangud human sa light material, madasig nga ginlamon sang kalayo ang amo nga balay.
Pahayag pa niya, ginabanta yara sa ₱14,000 ang nangin kahalitan nga ginbilin sang amo nga sunog.
Wala man sang may nabalhag nga casualty ukon napilasan sa nasambit nga insidente.
Sa subong, ginatumod pa ang gintunaan sang sunog nga nagresulta sa pagka-abo sang amo nga panimalay.
