ROXAS CITY, CAPIZ- Nagdangat sa P150k nga balor ang ginbilin nga kahalitan sang sunog nga nagluntad sa Sitio Pa-on, Barangay Dumulog, Roxas City.
Matandaan nga ang amo nga puluy-an ang ginapanag-iyahan ni Mr. Vergilio Bartolome, nagapang-edaron sang 78.
Sa interview sang Bombo Radyo kay Fire Officer 1 Reo Dile, Fire Arson Investigator sang Culasi Fire Substation, iya ginpahayag nga takna las 6:00 sang gab-i nagluntad ang amo nga sunog kag natigayon nga napalong kag gindeklarar nga fire-out takna las 7:24 sa gab-i.
Dugang pa sini nga nag-umpisa sa ikaduha nga panalgan sang puluy-ang amo nga sunog kag nagpanaog sa diin nga naubos tupok ang mga kagamitan kag nadalasa pa ang isa ka balay apang gamay lang ang damage bangud nga madasig man ini nga napalong.
Maswerte naman nga wala sang may nabiktima sang amo nga sunog.
Sa karon, padayon pa ang imbestigasyon sang mga bombero agud matumod ang gintunaan sang amo nga sunog.
With a report from Bombo Jessa Mae De Los Santos
