Sunog nga nagluntad sa ikaduha nga panalgan sang Saint Anthony College Hospital, padayon nga gina-imbestigaran

ROXAS CITY-Padayon nga gina imbestigaran sang mga katapo sang Bureau of Fire Protection Roxas City Fire Station ang natabo nga pagkasunog sang ikaduha nga panalgan sang Saint Anthony College Hospital sa Barangay Tiza, Roxas City.

Suno sa kay Fire Officer -3 Jonel Cortez nga nakabaton ini sila sang pagpanawag nga ginalamon sang kalayo ang ikaduha nga panalgan sang amo nga ospital.

Apang pag-abot sang bombero, natigayon na nga mapalong ang kalayo.

Ginapatihan nga nagikan sa isa ka air conditioning ang nasambit nga kalayo.

Samtang ginabulubanta nagalab-ut sa P15,000 ang gintuga nga kahalitan sang amo nga sunog.