Padayon nga gina-imbestigaran sang mga katapo sang Bureau of Fire Protection-President Roxas ang nagluntad nga sunog sa Brgy. Carmencita, President Roxas, Capiz.
Ang tag-iya sang balay amo si alyas nana, yara sa legal nga pang-edaron kag residente sang nasambit nga lugar.
Sa interview sang Bombo Radyo kay Fire Officer 2 John Owen Mataac, Fire Arson Investigator sang Bureau of Fire Protection-President Roxas, iya ginpahayag nga may yara sang nagpalab-ot sa ila talatapan kaangot sa nagluntad nga sunog nga madasig man nga ginrespondehan sang ila sini mga katapo.
Suno kay Mataac, himo sa light materials ang nasambit nga puluy-an rason nga madasig nga naglapta ang kalayo.
Pahayag pa niya, wala man sang may nabalhag nga napilasan sa nasambit nga insidente.
Sa subong, padayon ang imbestigasyon sa gintunaan sang sunog kag sa kabug-usan nga danyos nga ginbilin sini.
