Padayon nga gina-imbestigaran sang mga otoridad ang gintunaan sang sunog nga nagluntad sa San Roque Street, Barangay II, Roxas City.
Sa interview sang Bombo Radyo kay Senior Fire Officer 1 Junemar Galve, Public Information Officer sang Bureau of Fire Protection – Roxas City, iya ginpahayag nga may yara sang nagpadulong sa ila talatapan agud i-report ang nasambit nga sunog nga gilayon man nila nga ginrespondehan.
Suno kay Galve, gilayon man nga napalong ang kalayo sa bulig sang ila mga katapo kag mga fire volunteer nga nagresponde sa lugar.
Pahayag pa niya, ginahulat pa ang resulta sang imbestigasyon sa mga posible gin-umpisahan sang sunog.
Nagpanawagan man ang natungdan sa publiko nga maghalong kag i-secure ang mga gamit sa balay antes maglakat agud malikawan ang nasambit nga insidente.
