Nagpaandam ang United Nations nahanungod sa pamahog nga dala sang palaabuton nga super El Niño kag suno sa ila, kinahanglan ang gilayon nga aksyon agud makahanda sa pinakamalain nga epekto sini.
Ginalauman nga mabatyagan ang peak sang super El Niño sa bulan sang Disyembre subong nga tuig kun sa diin magalawig ini tubtob sa fall of 2027 kag sa masunod nga mga tinuig.
Kaangut sini, ang ahensya nagpanawagan para sa implementasyon sang pangkalibutanon nga mga tikang para sa mga estado kag sa minilyon ka mga tawo nga ‘pinakabulnerable’ sa El Niño.
Suno kay UN Undersecretary-general for Humanitarian Affairs Tom Fletcher, ang epekto sang El Niño mangin mas makahalalit sa rehiyon sang Latin America, easter kag southern Africa, bisan sa Asya lakip na ang Pasipiko kon sa diin mahimo ini makaeksperyensya sang iya malapnagon nga relokasyon, pagtaas sang presyo sang krudo kag mga abono sa uma, kag financial assistances.
Kasunod sini, nagpanawagan man si Fletcher sa mga gobyerno sang mga pungsod, mangin sa development banks kag international financial institutions nga magpartisipar sa pagbulig sa paghanda batok sa El Niño antes matabo ang mga kahalitan.
Matandaan nga nabatygan ang katapusan nga pag-igo sang El Niño sang 2023 kung sa diin ginhingadlan ini nga second-hottest year, samtang hawid naman sang 2024 ang all-time high record sini.
