Nagapabilin nga super typhoon ang Bagyo Inday samtang padayon ini nga nagahulag padulong sa westward sa ibabaw sang kadagatan sa sidlangan sang Northern Luzon.
Suno sa pinakaulihi nga tropical cyclone bulletin nga ginpaguwa sang PAGASA alas 5:00 sang hapon sini nga
ulihi nga nakit-an ang sentro sang mata sang bagyo sa kalayuon nga 1,170 kilometers nasidlangan sang Northern Luzon, nga may kabaskugon sang hangin nga 195 kph kag pagmadlos tubtob 240 kph. Nagahulag ini pa-West sa kadasigon nga 20 kph.
Nagapabilin sa Tropical Cyclone Wind Signal No.1 ang Isabela, Batanes, Cagayan (lakip na ang Babuyan Islands), Ilocos Norte, Apayao, Kalinga, kag pila ka bahin sang Abra, Mountain Province, Ifugao, Quirino, Aurora, kag Catanduanes.
Suno sa PAGASA, minimal to slight damage tuga sang mabaskog nga hangin ang posible sa mga lugar nga yara sa idalum sang Signal No.1. Wala man ginadula sang ahensya ang posibilidad nga mapataas ang warning sa Signal No.2 ukon Signal No.3 samtang nagapalapit ang bagyo sa naaminhan nga bahin sang pungsod.
Ginapanugyanan man ang publiko nga maghalong sa epekto sang habagat kag malapad nga sirkulasyon sang bagyo, nga magadala sang mabaskog nga hangin kag mabaskog nga paghuyop sa malapad nga bahin sang Luzon, Visayas, kag Mindanao sa masunod nga mga inadlaw.
