Supertramp vocalist nga si Rick Davies, nagtaliwan na sa edad nga 81

Nagtaliwan na ang lead singer kag co-founder sang British rock band nga Supertramp nga si Rick Davies sa edad nga 81.

Suno sa iya nga pamilya, may yara ini sang blood cancer multiple myeloma.

Gintukod ni Davies ang banda sang 1969 kaupod ang English singer nga si Roger Hodgson.

Ang ila ambahanon nga “Breakfast in America” ang nangin popular sa diin natigayon nga mabaligya ang 18 million copies kag nagdaog sang duha ka Grammy Awards.

Pila sa mga kanta nga ginpasikat sini amo ang “Goodbye Stranger” kag “Bloody Well Right” kag madamo pa sang iban.