ROXAS CITY – Ginkumpirar sang Presidente sang Rice Retailer Association sang Teodoro Arcenas Trade Center (TATC) nga si Mr. Edilberto Cambe nga bastante ang suplay sang bugas sa probinsya.
Sa interview sang Bombo Radyo kay Cambe, ginpahayag sini nga ini ang base man sa mga naga-alabutan nga suplay sa merkado lokal man ukon imported nga bugas madamo sa gihapon.
Ilabi na suno diri nga nagahilapit na ang harvest season kung sa diin posible nga makabatyag sa pagnubo sa presyo sang bugas.
Suno pa sa Presidente sang asosasyon, pag-abot sa presyo sang bugas nagapabilin nga wala sang paghulag sumugod pa sadtong Nobyembre sang tinalikdan nga tuig tubtob subong nga Enero, 2025.
Mahibaluan nga lakot ang bumalakal sa merkado kung sa diin may yara sang nagabakal sang mga lokal nga bugas kag may mga konsumedor naman sang mga imported base man sa ila mga naluyagan.
