Suporta sang pamilya kag pagsalig sa kaugalingon, ang ginpanghawiran sang Physical Therapist Licensure Exam passer agud makapasar sa pasinawan

Suporta sang pamilya kag kag pagsalig sa kaugalingon, ang ginpanghawiran sang Physical Therapist Licensure Exam passer agud makapasar sa pasinawan.

Sa interview sang Bombo Radyo kay Lexie Berongoy, iya ginpahayag nga indi madali ang iya gin-agyan antes niya nalab-ot ang kadalag-an.

Suno kay Berongoy, madamo nga oras ang iya ginhalad sa pag-review ilabi na nga mabudlay ang pila ka mga term nahanungod sa Physical Therapy.

Pahayag pa niya, sa kada review niya,yara gid ang iya nga ginikanan kag mga abyan nga naga-guide kag nagahatag sa iya sang kusog.

Nagapati man ini nga ang kada kadalag-an nga iya nga mabaton indi lamang para sa iya kaugalingon kundi para man sa iya pamilya, mga abyan kag tanan nga nagasuporta sa iya nga kurso.