Nangin liyabi sang isa ka actor ang suporta sang iya pamilya , kaupod sa ubra kag industriya sa iya kadalag-an bilang bag-o nga abogado sang 2025 Bar Examinations.
Sa interview sang Bombo Radyo kay Atty. Jerico “Nico” Antonio, iya ginpahayag nga tuman ang iya kalipay sang nakit-an sini ang iya pangalan sa listahan sang mga nakapasar amo man sang iya pamilya.
Suno kay Atty. Antonio, isa ka pagpanghangkat para sa iya ang pagbalanse sang iya nga oras sa pagreview, pag-arte kag pag-upod sa iya nga pamilya apang natigayon niya nga malaumpawasan kag nalab-ot ang iya sini nga handum.
Pahayag pa niya, daku man ang nabulig sang iya role sa MMFF nga Bar Boys: After School nga naga-tackle sang kabuhi sang isa ka law student kag sang Unmarry nga nahanungod naman sa pag-atubang sang kaso sang annulment sa Pilipinas.
Dugang pa sang natungdan, iya ginasiguro nga mangin isa siya ka abogado nga handa magbulig sa mga nagakinahanglan sang bulig kag hustisya.
