ROXAS CITY – Ginpasarado sang alkalde sang syudad ang isa ka establisemento komersiyal sa Taft St. Barangay 3, bangud sa kapaslawan sang supplier nga ma-deliver ang mga materyales nga gamiton sa proyekto sang gobyerno sang syudad.
Ginpahayag ni Mayor Ronnie Dadivas gin-award na sa Solidus Contruction Supply ang pagsupply sang materyales nga kinahanglanon sa mga proyekto sang syudad kasubong sa rehabilitasyon sang barangay road sa Barangay Cagay-Barangay Barra kag Libas, apang tobtob sa karon wala pa ma-deliver ang nasambit nga mga materyales.
Suno sa alkalde nga nabayaran na ini sang gobyerno sang syudad, apang wala pa ma-deliver ang mga materyales rason nga na-delayed ang mga proyekto kag nagareklamo na ang mga pumuluyo.
Ginpasiguro sang alkalde nga ila lagson ang tanan nga responsable sa pagpanunto sa city government.
