ROXAS CITY-Wala pa matumod sang mga otoridad ang ginaalegar supplier sang diwal nga nakumpiskar sang Roxas City Environment and Sanitation Enforcement Team (RESET) gikan sa isa ka negosyante sa Teodoro Arcenas Trade Center (TATC), Barangay 8, Roxas City.
Nahibaluan nga padayon nga ginaimbestigahan sang mga otoridad kun sin-o ang supplier ukon ang ginkuhaan sang diwal ni Ramonita Torres sang Barangay Tanque sining siyudad.
Suno kay Mr. Rizaldy Astrolabio, Regulatory Officer sang City Agricultures Office nga ginsugid ni Torres nga gikan sa Punta Cogon ang ginbaligya sini nga diwal.
Matandaan nga kapin sa 31 ka kilos nga diwal ang nakumpiskar kay Torres kun sa diin ginapahayga nga ilegal ini ginsalom kag ginbaligya sang wala matumod nga supplier.
