Supply kag presyo sang bugas, nagapabilin nga mapag-on sa pihak sang Import Ban

Nagapabilin nga mapag-on ang supply kag presyo sang bugas sa pungsod apisar pa sa ginpatuman nga import ban kag mga nagligad nga bagyo, suno sa Department of Agriculture.

Ginpahayag ni Department of Agriculture spokesperson Assistant Secretary Arnel de Mesa nga maayo ang ginalauman nga ani tubtob sa katapusan sang tuig kag posible nga malabawan ang record rice harvest sang 2023.

Dugang pa niya, ginalauman nga magalawig sang 80 tubtob sobra 100 ka adlaw ang rice inventory sang pungsod, nga bastante para sa adlaw-adlaw nga konsumo sang mga Pilipino.