Nagapabilin nga mahinay ang paggasto sang mga konsumidor nagapabilin subong nga holiday, sa pihak sang nagahilapit nga adlaw sang paskwa.
Ini ang base sa real-time monitoring sang Philippine Amalgamated Supermarkets Association (PASA).
Suno kay PASA President Steven Cua, ang mga supermarket, malls, kag retail outlets ang wala pa makaparehistro sang dalagku nga volume sang mga produkto nga ginbakal sa subong.
Sa pihak sini, ginalauman sang grupo nga magasugod na ang pagdugok sang mga pamilya sa mga retail outlets kag malls, apat ka adlaw antes ang paskwa.
Dugang pa sini nga madamo na ang naanad sa pagdali-dali sa pagpanindahan samtang ang iban naman ang wala sang bastante nga tion sa pagpanindahan bangud sang ila trabaho.
Ginsiling sini nga sa subong, indi na kinahanglan nga magpataas sang presyo sang mga balaklon.
Pahayag pa niya nga ang supply kag stock sang mga produkto nagapabilin nga bastante agud masabat ang demand ukon kinahanglanon sa bug-os nga holiday season.
