Ginsigurado sang Department of Energy (DOE) nga bastante ang supply sang gatong sa pungsod nga magalawig sang mas ukon menos 50 ka-adlaw ukon tubtob sa una nga bahin sang Hunyo.
Suno kay DOE Secretary Sharon Garin may average nga 50 la-adlaw nga supply ang pungsod, kalakip ang 36 ka-adlaw para sa Liquefied Petroleum Gas (LPG), 49 ka-adlaw para sa diesel, 54 ka-adlaw para sa gasolina, kag 105 ka-adlaw para sa kerosene.
Dugang pa niya, nagapatigayon na sang dugang nga order ang gobyerno pamaagi sa Philippine National Oil Company agud mahatagan sang aksyon ang manubo nga imbentaryo sang LPG.
Samtang, nagapabilin nga pabag-o-bag-o ang presyo sang gatong sa pangkalibutanon nga merkado bangud sa tensyon sa Middle East, partikular sa isyu sa Strait of Hormuz, nga importante nga ruta sang supply sang gatong.
