CAPIZ – Nangin bastante ang supply sang kuryente sa bilog nga probinsya sang Capiz kadungan sang pagsug-alaw sang Bag-ong tuig.
Sa interview sang Bombo Radyo kay Engineer Edgar Diaz, General sang Capiz Electric Cooperative (CAPELCO), iya ginpahayag nga wala sang may nabalhag nga kakulangan sa supply sang kuryente kag wala man sang naka-scheduled nga power interruption nga naka-istorbo sa pagkinasadya sang mga pumuluyo.
Suno kay Engr. Diaz, may yara sang 25 ka mga teams ang ila talatapan nga gin-deploy sa nagkalain-lain nga mga banwa kag syudad sa probinsya sang Capiz agud nga siguruhon ang madasig nga pagresponde sa tion sang pagkinahanglan.
Pahayag pa niya, kalabanan sang mga banwa ang automated na ang pag-kontrol sang supply sang kuryente rason nga mas madasig nga ma-tatapan ang mga problema sa supply sang kuryente nga nagaka –eksperyensyahan sa probinsya.
Nagpasalamat man ang natungdan sa mga konsumidor sa padayon nga pagsuporta kag kooperasyon sa pagpasanyog pa sang ila nga serbisyo.
