Gin-anunsyo sang Bureau of Customs (BOC) nga may bastante pa nga suplay sang langis kag iban pa nga produktong petrolyo ang pungsod nga magalab-ot sa sulod sang duha ka bulan.
Suno kay Customs Commissioner Ariel Nepomuceno, ang suplay magahalin sa Department of Energy (DOE) kag sa subong ginabantayan bangud man sang ongoing armed conflict sa Middle East, ang nagapanguna nga supplier sang langis sa kalibutan.
Pahayag ni Nepomuceno, usisaon nila ang mga oil company warehouses agud masiguro nga wala sang artificial shortage.
Samtang, ginapabaskog sang DOE ang monitoring batuk sa fuel hoarding kag indi makatarungan nga pagsaka sang presyo.
Dugang pa sini, mahimo nga maapektuhan sang giyera ang koleksyon sang buwis sang pungsod halin sa petrolyo, nga nagalab-ot sa P330 tubtob P410 billion kada tuig.
Padayon nga nagapreparar ang DOE kag iban pa nga ahensya sang contingency plans agud nga malikawan ang posible nga pagtaas sang presyo kag kakulangan sang suplay.
