Ginpasalig sang Department of Energy (DOE) ang Pilipinas sang nagakaigo nga supply sang LPG, bisan pa nga nagapabilin nga mataas ang presyo sang krudo sa pungsod.
Suno kay Energy Secretary Sharon Garin, apisar nag-untat na sa pag-export ang pila ka mayor nga LPG producers, madasig nga nakapangita sang alternatibo nga sources ang gobyerno kag oil companies sa Pilipinas.
Importante ini suno sa iya, ilabi na nga ang LPG ang indi lamang ginagamit sa mga puluy-an, kundi pati man sa mga commercial establishmentskaangay sang restaurants.
Dugang pa niya, magluwas sa China kag Hong Kong, ang mga kompanya nakakita sang mga supplier sa malayo nga lugar pareho sang Australia kag Estados Unidos sang Amerika, kag sa subong, ang pungsod nagakuha sang mga supply gikan sa ila.
Apisar suno sa iya indi pa komportable ini nga numero, ang Philippine National Oil Company (PNOC) nagahimo na sang mga tikang, pareho sang natalana nga pagbakal sang isa ka sakayan pandagat, agud buligan ang mga kumpanya, sa dugang nga pag-establisar sang supply sang LPG sa pungsod.
