Ginbasura sang Korte Suprema ang petition for certiorari nga ginpasaka sang kontrobersyal nga kontraktor nga si Sarah Discaya bangud sa finding of probable cause sang Ombudsman batok sa iya P96.5-million nga ghost flood control project sa Davao Occidental.
Sa isa ka en banc session, nagdesisyon ang Korte Suprema nga indi na valid ang petisyon matapos nga nagpasaka sang katumbas nga kaso ang Office of the Ombudsman sa regional trial court, nga nag-issue man sang warrant of arrest batuk sa akusado.
Suno sa Office of the Spokesperson sang Korte Suprema, napaslawan si Discaya nga pamatud-an ang anuman nga mga exeptions nga magatugot sa iya petisyon nga batunon, kaangay sang paglapas sa constitutional rights ukon kakulang sang basehan para sa kaso.
Ginhatagan pagtamod sang Korte Suprema nga ang pagdeterminar sang probable cause sa preliminary investigation amo ang eksklusibo nga katungdanan sang public prosecutor kag sa masami wala ginahilabtan sang mga korte.
Dugang pa, ang desisyon sang Ombudsman nabase sa bastante nga ebidensya.
Matandaan nga sadtong Disyembre 2025, ginpasakaan sang kaso sang Ombudsman sang malversation kag corruption batok kanday Discaya, Maria Roma Angeline Rimando sang St. Timothy Construction, kag pila ka mga opisyal sang Department of Public Works and Highways sa Davao Occidental may kaangtanan sa gin-alegar ghost flood control project nga nagabalor sang P965 million.
Sa subong, preso sa gihapon si Discaya sa Lapu-Lapu City Jail.
