Ginbasura sang Korte Suprema ang mga petisyon nga ginpasaka ni Atty. Vic Rodriguez, Berteni Cataluña Causing, kag Atty. Ernesto Francisco Jr. batok sa bag-o nga “voting threshold” sang Senate Impeachment Court.
Ginkwestyon nila tanan ang interpretasyon sang Senado sa “duha ka-katlo nga boto” nga kinahanglanon para sa isa ka conviction sa isa ka kaso sang impeachment.
Sang Setyembre 23, nag-ugyon ang Senado nga ang mga “legally” kag “actually able to participate” sa hearing ang dapat pahanugutan nga makaboto.
Apang ginpahayag ni anay Executive Secretary Vic Rodriguez kag Atty. Ernesto Francisco nga dulaon ini nga pagsulundan sang Korte Suprema.
Samtang, ginpanindugan naman ni Berteni Cataluña Causing nga dapat ilakip sa gihapon ang iban nga mga senador sa pag-isip sang boto, bisan pa nga nagapanago, detained, ukon may medical needs.
Sa katapusan, ginbasura sang Korte Suprema ang separado nga mga petisyon, nga nagdesisyon nga ang mga petisyonaryo kulang sang bastante nga “standing” kag “premature” ang mga ini.
