Isa ka dugang nga titulo ang ginpahayag sa katapusan nga bahin sang Mister Pilipinas Worldwide 2026 finals kun sa diin pormal nga ginproklamar si Enzo Bonoan bilang Mister Pilipinas–Cosmo.
Natabo ang paghatag sang titulo sa Miss Universe Philippines Charity Gala Night 2026 nga ginhiwat sa City of Dreams Manila sang Abril 18.
Matandaan nga sa final competition sang Mister Pilipinas Worldwide 2026 sang Abril 15 sa Bigger Studio, ginproklamar si Bonoan bilang Mister Pilipinas 2026 apang wala pa siya nakabaton sang sash ukon tropeo sadto.
Apang bangod sa iya bag-o nga titulo, natalana si Bonoan nga magarepresentar sang Pilipinas sa pinakauna nga Mister Cosmo nga pagahiwaton sa Vietnam, nga nagpatuman sang iya handum nga makaintra sa international pageant.
