ROXAS CITY – Nagapabilin nga at-large ang suspek nga ginaalegar nagpanglabo sa Purok 3, Barangay Libas, Roxas City.
Base sa inisyal nga imbestigasyon sang Roxas City Police Station nga samtang nagainom ang biktima nga si Jungie Navalez 19-anyos sang nasambit nga lugar sa balay sang iya abyan nga si Hans Isiderio sang hinali na lamang nga nagtuhaw kag ginapangita sang suspek nga si John Philip Arroyo sa diin ginaalegar nga ginahangkat ini sang away.
Bangud diri, nagguwa ang biktima apang wala sini ginalaoman nga nagapanago ang suspek sa madulom nga porsyon kun sa diin hinali na lamang ini nga ginlabo ang biktima gamit ang binangon.
Nag-angkon naman sang pilas sa lawas si Arroyo nga gilayon naman gindala sa ospital agud dapatan sang nagakaigo nga pagbulong.
Samtang, padayon naman nga ginapangita sang mga otoridad ang nasambit nga suspek nga madasig nga nakapaglagyo matapos ang insidente.
