ROXAS CITY – Wala na sang kabuhi sang nasapwan ang suspek nga may deperensya sa paminsaron nga naglabo sa 47-anyos nga lalaki sa Barangay Taganghin, Tapaz, Capiz.
Sa impormasyon nga nakuha sang Bombo Radyo Roxas nagikan sa Tapaz MPS, personal nga nagpadulong ang isa ka katapo sang CAFGU sa talatapan sang kapulisan agud ipahibalo nga nasapwan nila nga patay na ang amu nga suspek sa amo man nga lugar.
Sa pagtsekyar sa amo nga lugar nakit-an nga nag-angkon sang pilas sa ulo, nawala nga paa kag too nga kamotsang suspek rason nga napatay ini.
Matandaan nga sang tinalikdan nga adlaw nag-angkon sang pilas sa nawala nga kamot kag ulo ang 47-anyos nga si alyas Totong matapos hinali ginlabo sang amo nga suspek nga may deperensya sa paminsaron.
Nagaguwa naman sa imbestigasyon sang mga otoridad nga ang motibo sang pagpatay sa suspek amu ang pagtimalos bangud sa paglabo sini sa biktima.
