ROXAS CITY – Ginhilway na sa karsel ang suspek nga ginapahayag nagbuno sa iya abyan nga kaupod sini inom sa Brgy. Agambulong, banwa sang Jamindan sang tinalikdan nga gab-i Setyembre 27, 2023.
Ini matapos nga nag-lapse na ang reglementary period of detention sang suspek nga si Joebert Constantino 43-anyos kag residente sang Brgy. Bunga banwa sang Mambusao.
Matandaan nga pilas sa dughan kag tiyan ang naangkon ni Ryan Lozada, 40-anyos residente sang Barangay Aglibacao sa nasambit nga banwa.
Ginpahayag samtang naga-inom-inom ang duha kaupod ang isa pa nila ka abyan, sang hinali na lang nagluntad ang indi pag-intindihanay kabangdanan agud patup-an sang inumol ni Constantino si Lozada.
Ginapahayag nga nagtambag pa ang ila abyan sa komosyon, apang madasig nga ginbuno sang suspek si Lozada.
Samtang padayon naman nga ginabulong sa ospital ang biktima.
