ROXAS CITY – Arestado ang 62- anyos nga lalaki nga ginakabig Top Most Wanted Person sa banwa sang Sapian matapos nga ginserbehan sang mandiamento de aresto sang mga katapo sang CIDG Capiz PFU kag Sapian MPS sa Brgy. Lonoy banwa sang Sapian.
Ginkilala ang arestado kay Ludovico Vera Evarista residente sang nasambit nga lugar.
Suno sa impormasyon nga nagikan sa Sapian MPS, nagapangatubang sa kaso nga Murder ang suspek, kun sa diin ang warrant ang gin- isyu kag ginpirmahan ni Hon. Rommel Lacson Leonor, presiding judge, RTC branch 21 napetsahan Hulyo 12, 2022.
Matandaan si Evarista ang suspek sa pagpatay sa isa ka 45- anyos nga iloy nga ginhimuslan pa antes ginpatay sa Sitio Barusbos sa nasambit nga barangay.
Wala sang piyansa nga ginrekomdar ang korte para sa temporaryo nga kahilwayan sini.
Sa karon, yara ini nakahunong sa CIDG Capiz para sa nagakaigo nga disposisyon.
