Suspek nga nagkawat sang cellphone sang 22-anyos nga babaye, nakahunong na sa karsel sang Roxas City PNP

ROXAS CITY – Nagpabalhag sa Roxas City PNP ang isa ka 22-anyos nga babaye matapos nga ginaalegar ginkawat ang cellphone sa sulod sang iya bag sa Burgos Street, Roxas City.

Ginkilala ang tagreklamo nga si Jila Nadate sang San Juan, Barangay Baybay sining siyudad.

Sandig sa ginpabalhag nga reklamo ni Nadate nga ginbukad ang iya bag kag ginkuha sang suspek nga si Nerie Lingco 38-anyos sang Legaspi Ilawod, Barangay 5, sining siyudad ang iya cellphone nga nagabalor sang kapin sa P9,720.

Sa karon, nakahunong na sa karsel sang Roxas City Police Station ang nasambit nga suspek.