Suspek nga nagkuga-patay sa pakaisa, ginserbehan sang warrant of arrest sa presuhan bangud sa isa pa ka kaso nga rape sa La Union

ROXAS CITY – Ginserbehan sang warrant of arrest samtang yara sa sulod sang karsel sang Roxas City PNP ang suspek nga nagkuga-patay sa iya pakaisa sa Barangay Culajao, sining syudad nga si Salvador Pin sa kaso nga rape nga nakomiter sini sa Agoo La Union.

Ginakabig nga Top 3 Most Wanted person sa Agoo La Union si Pin.

Gin-isyu kag ginlagdaan ni Judge Ethelwolda Jaravata sang RTC 1^st judicial region Branch 32 sa Agoo, La Union ang mandamiento de aresto ni Pin nga napetsahan Mayo 26, 2018.

Nahibaluan nga na-detain sa gihapon sa lock up cell sang Roxas City PNP si Salvador Pin.