ROXAS CITY – Ginhilway na sa karsel sang Sigma Municipal Police Station ang mangunguman nga suspetsado nga nagtiro sa isa man ka mangunguma sa Barangay Mansacul Sigma Capiz.
Sa pagpangusisa ang Bombo Radyo nga nagtakup na ang reglementary period of detention sang suspetsado nga si Leonedis Daulo, 41-anyos residente sang nasambit nga lugar.
Matandaan nga sandig sa inisyal nga imbestigasyon sang mga kapulisan nga samtang nagalakat ang biktima nga si Joseph Semino, 54-anyos residente sang Barangay Balucuan sang nasambit nga banwa upod ang duha sini ka mga updanan sang hinali ini nga gintiro sang suspetsado sa wala matumod nga armas-luthang.
Nakaangkon sang pilas ang biktima sa iya nawala nga abaga nga naglapus sa nawala sini nga dughan tuga sang pagpangluthang.
Gilayon nga gindala sa Mambusao District Hospital apang ginsaylo sa isa ka pribado nga ospital sa siyudad kag padayon sa karon nga ginabulong.
Samtang nagaguha sa dugang nga imbestigasyon sang mga kapulisan nga may yara sang daan nga hiligut-anon ang biktima kag ang suspetsado.
Natalana naman nga pasakaan sang panombongon ang suspetsado nga pinaagi sa regular filing.
