Patay ang suspek nga nagpalupok malapit sa White House matapos ang engkwentro sa tunga sang mga otoridad.
Suno kay Bombo Pinoy Gonzales, international correspondent direkta sa Estados Unidos sang Amerika, may nabaton nga report ang mga otoridad ga may yara sang sunod-sunod nga lupok nga nabatian malapit sa 17th Street kag Pennsylvania Avenue gani gilayon nga nagpatigayon sang verification ang mga personnel sa lugar.
Ginabanta 20 tubtub 30 ka lupok ang nabatian sa lugar.
Bangod sini, ginmanduan sang US Secret Service agents ang mga journalist nga yara sa North Lawn nga magdalagan pasulod sa press briefing room para sa ila kaluwasan.
Temporaryo nga ginpaidalom sa lockdown ang White House matapos nabatian ang sunod-sunod nga lupok apang gin-lift man ang lockdown matapos ang hugot nga pagbantay sang mga otoridad.
Dugang pa ni Gonzales, yara sa White House si US President Donald Trump sang natabo ang insidente.
Nahibaluan nga ini na ang ikaapat nga beses nga tuyo nga pagpatay sa presidente sang Estados Unidos sang Amerika.
Sa subong, padayon pa ang imbestigasyon sang mga kapulisan kon ano ang motibo sang gunman sa pagpangluthang sa Whitehouse.
