-- ADVERTISEMENT --
ROXAS CITY – Ginpasakaan na sang panumbungon nga paglapas sa Republic Act 10591 ukon Comprehensive Firearms and Ammunition Regulation Act ang isa ka watchman matapos nga nadakpan nga nagahupot sang armas luthang sa Teodoro Arcenas Trade Center ukon TATC, Barangay 8, Roxas City.
Ginkilala ang nasambit nga persona kay Nestor De Juan, 58-anyos sang Barangay Dinginan sining siyudad.
Matandaan nga nadakpan si De Juan nga nagahupot sang armas luthang kun sa diin ginhaboy niya pa ini sa basurahan matapos nga nakita sang mga kapulisan.
Magluwas diri, ginaalegar nga gintutukan pa sang amo nga suspek ang iya abyan sa nasambit nga lugar.
Bangud diri, temporaryo nga ginkustodiya sa Roxas City Police Station ang amo nga suspek.
-- ADVERTISEMENT --
