Suspek nga nagpatay kay Charlie Kirk, ginpasakaan na sang mga kaso

Pormal na nga ginpasakaan sang kaso ang suspek nga nagpatay sa conservative activist nga si Charlie Kirk.

Suno kay Utah County Attorney Jeffrey S. Gray, nagapangatubang ang suspek nga si Tyler Robinson sang aggravated murder kun sa diin mahimo ini nga pamatbatan sang silot nga kamatayon.

Dugang pa sini, may yara sang kabug-usan nga pito ka mga kaso ang ginpasaka batok sa 22-anyos nga suspek kalakip ang obstruction of justice bangud sa pagpanghaboy sang mga ebidensiya kag pagsugo sa roommate sini nga panason ang mga text messages.

Ginhingo ni Gray nga kun mahimo pamatbatan na sang silot nga kamatayon ang suspek.

Madumduman nga ginluthang ni Robinson si Kirk samtang yara ini sa isa ka pagtililipon sa Utah Valley University.