ROXAS CITY-Ginpanginwala sang ginakabig lolo ang alegasyon nga pagpanghimulos sa 9 ka tuig nga dalagita nga ginakabig sini apo sa isa ka barangay sa banwa sang Cuartero.
Ginpahayag ni Alyas Jun Alog nga wala ini sang ideya sa alegasyon batuk sa iya apang nagapati ini nga indi ini kahimuan sang biktima.
Suno kay Alog nga ginkakibot sini ang alegasyon sang nakalab-ut sa iya ang nagalaw nga istorya.
Gindugang pa sini nga dako ang nangin epekto sa iya sang nangin alegasyon sang pamilya sang menor de edad sa diin makaduha na ini ka beses nga nagtuyo magpanginmatay.
Suno kay Alog nga palangga sini si Alyas Nene bilang iya apo kag indi sini mahimo nga tandugon ang bata.
Samtang handa naman nga atubangon ni Alyas Alog ang anuman nga legal nga tikang sang pamilya ni Alyas Nene batuk sa iya.
