DAO CAPIZ – Nagapadayon ang hot pursuit operation sang katapo sang Dao Municipal Police Station sa suspek sa ginapahayag pagpanglabo sa isa ka lalaki samtang nagalakat-lakat sa ugsaran sang ila puluy-an matapos makapalagyo sa Sitio Tinggas Barangay Balucuan Dao Capiz.
Matandaan nga nag-angkon sang pilas sa likod nga porsyon sang tuo sini nga abaga ang biktima nga si alyas “Sammy”, 29-anyos matapos ginlabo sang suspek nga ginkilala kay alyas “John”, 38-anyos kag lunsay mga residente sang nasambit nga lugar.
Sa interview sang Bombo Radyo sa hepe sang Dao MPS nga si PCPT. Rian Ampoyos, ginpahayag sini nga sa ila ginpatigayon nga inisyal nga imbestigasyon nagaguha nga takna alas 3:15 sang kaaganhon sa mismo nga adlaw sang paskwa, samtang nagalakat-lakat ang biktima sa guha sang ila puluy-an, hinali nalang ini nga ginlabo sang nasambit nga biktima.
Gilayon naman ini nga ginrespondehan sang katapo sang Dao Emergency Response Unit kag ginpadangat sa Dao District Hospital para sa nagakaigo nga pagbulong.
Suno kay Ampoyos, nga anay hiligut-anon ang ginalantaw nga motibo sa pagpanglabo.
Sa karun, nakaguha na sa ospital ang biktima kag yara na sa istable nga kondisyon.
