Boluntaryo nga nagsurender sa mga otoridad ang suspek sa kaso nga attempted homicide sa syudad sang Roxas.
Ang suspek amo si alyas steph, 25-anyos kag residente sang Sitio Nipa, Brgy. Culasi, Roxas City.
Sandig sa impormasyon nga nakuha sang Bombo Radyo sa Roxas Component City Police Station,nag-surrender ang suspek sa nasambit nga police station banda alas-2:08 sang hapon, kahapon nga adlaw.
Ang warrant ang gin-issue sang Municipal Trial Court in Cities, Branch 04 sa Roxas City sa idalom sang Criminal Case No. C-26-19069-03, nga may ginarekomenda nga P36,000 nga piyansa para sa temporaryo sini nga kahilwayan .
Sa subong, ang suspek yara na sa kustodiya sang Roxas City Custodial Facility para sa nagakaigo nga disposisyon antes ibalhin sa korte nga nag-isyu sang warrant.
